جريدة الزراعة اليوم
صوت المزارع المصري

” إنتاج خميرة المعجنات بطريقة صحية بالمنزل و في خطوات بسيطة  “

32

اعدتها : نور الاسلام علي 

المقادير:

دقيق زيرو ، ماء سلق بطاطس ، برطمان كبير

نغسل البطاطس جيدا و نقطعها بقشرها في ماء علي النار لسلقها ، و ناخد ماء السلق  لأنها تعتبر البيئة التي تتغذى عليها، نضعها في الثلاجة لكي نستعملها خلال 5أيام

اليوم الأول : نبدأ نضيف الدقيق الأول 1/2 كوب و عليه 1/2كوب ماء سلق البطاطس، ونقلب بشوكة أو مضرب بيض حتي يتجانس اللون والقوام  ، نقفل البرطمان و نضعه في مكان دافي لمدة يوم.

اليوم الثاني : نلاحظ رغاوي بسيطة و البرطمان صعب الفتح،
نضيف تاني 1/2كوب ماية سلق البطاطس و 1/2كوب دقيق، نقلبهم ونترك البرطمان في نفس المكان.

اليوم الثالث:  نلاحظ زيادة الفوران  و نعمل نفس الخطوات لكن لو لاحظنا إنها خفيفة شوية يبقى نقلل كمية ماء السلق .

اليوم الرابع  : نشم رائحة الخميرة المميزة ، والفوران زاد أكثر ، ممكن عدم اضافة ماء عشان القوام يكون سميك فقط نضيف دقيق بس.

اليوم الخامس :  ليس شرطاً مرور يوم كامل , نراقب البرطمان طول الوقت و أول ما يتملي للآخر يبقي خلصت.
تخزن في التلاجة و عندما نستعملها و تبدأ تخلص نعمل نفس الخطوات  تاني نضيف 1/2كوب دقيق و 1/2كوب ماء سلق البطاطس في مكان دافي.
_________
ملاحظات:
في اليوم الأول فقط يتم إضافة الدقيق أولا و لكن في باقي الأيام نضيف الماء أولاً.
إذا كان القوام خفيف لا نضيف الماء أو نقلل الكمية.

Leave A Reply

Your email address will not be published.