جريدة الزراعة اليوم
صوت المزارع المصري

نصائح مفيدة لست الدار في مطبخها

20

تقدمها لكم :الحاجه صابرين

– زيت الزيتون يمكن خلطه بالسمن او الزبدة الطبيعى انما ممنوع تماما اضافه نوع زيت اخر.

-لعمل البشاميل بطريقة صحيحة، يقلب الدقيق فى السمن وعندما يتجانس الخليط  ويشكل  عجينه لينه ، يضاف اللبن كله مرة واحدة، وده سر يجعل البشاميل غير متكتل “مكلكع يعني”. ملحوظة؛ لو الدقيق عند التحمير تحول للون غامق، طعمه لن يكون جيدا، لابد أن تحافظي على أن يكون لونه ذهبى فاتح.

سر صلصة المكرونة في المطاعم الشهيرة انها “بتتسبك ٣/٤ تسبيكه عشان متلزقش فى المكرونه”  ويتم عملها بالزيت والبصل ويضاف اليه رشة فلفل اسود قبل اضافة الطماطم.

– محشى ورق العنب يسلق بماء و ليمون، ويعصر عليه ليمون  قبل تسويته، و أيضا يرش زيت  زيتون على “وش الحله عشان يدى لمعه فى المحشى”.

– الكرنب يفضل سلقه بكمون حب.

-الباذنجان يفضل حشوه مع الفلفل الرومى “بيليقوا على بعض ولما يستوا مع بعض فى نفس الحله بيبقى طعم المحشى رائع”.

– عند حشو الكوسه، الجزء اللى “بتقوريه” منها ضعيه في “قعر الحله ميخلبهاش تشيط”.

– خلطة المحشى يفضل يكون البصل والخضره والطماطم اكثر و الأرز نصف مقدارهم “عشان كده  كده الرز بعد السواء بيبقى الضعف”.

Leave A Reply

Your email address will not be published.